Zahnweh? Halsweh? Rückeschmerze? Das alles wot üs öpis säge. Ned nur jedi Person und Situation esch e Spiegel für üs selber sondern au üse Körper.

Mach mit i üsem Beginner Line Dance Kurs.

Mentig 18.30-20.00

CHF 20.-

oder 1x pro Monet am Samschtig

Wünsche, bäte, hoffe, dänke... alli Gedanke manifeschtiere sich.

Lueg dur die rosarot Brölle und d Wält esch tatsächlich rosarot. Bis irgend öper chont und dich vom Gegeteil überzügt. Sigs mit Wort oder mit Handlige wo dich verletze.

I dem Moment hesch du dich selber verlore. Und zrogfinde esch immer schwierig. Im ganze Läbe gots jo ums Zrogfinde... worom söls i einzelne Moment denn eifacher si? Aber es esch möglich! Mit wünsche, bäte, etc. eifach mit vielne guete Gedanke, dass die rosa Brölle wieder cha azoge werde.

Ja ez chöme grad die "Erwachsne": s Läbe esch keis Zuckerschläcke und d Realität esch härt... Aber esch es wörkli so? Oder glaubsch das eifach grad? Hesch scho immer so dänkt? Eher ned oder?

Die inneri Absicht esch die eignig Schwingig und Haltig zum Läbe und die üsseri Absicht sind Glägeheite und Türli wo sich öffne oder ebe mol schliesse.

Die inneri Absicht (Intension)

esch d Grundhaltig. Wie gseh ich mis Läbe? Was für e Istellig han ich zum Läbe oder was um mich ume passiert?

Do dri ghöre: Fokus, Gfühl, Glaubenssätz, Identität

Die üssieri Absicht (Quantenfeld)

esch de Fluss vom Läbe.

De Wunsch existiert bereits im Variante Rum und mues det nur no abgholt werde. (Me cha sich nüd vorstelle oder wünsche, wenn mers ned scho kennt oder het)

Me mues chönne LOSLO (d Verbisseheit ablege). Vertraue und sich uf die chline Synchronizitäte achte, wo eim plötzli begegne. Das sind alles Hiwiis.

Es esch wie bim Segle: Die inneri Absicht esch s Usrichte vo de Segel und das Bestimmen vo de Richtig wos söl durego. Die üsseri Absicht esch de Wind, wo s Boot vorwärts tribt. Ohni de Wind (üsseri Absicht) nützt s beschte Segel nüd und ohni die richtig
Usrichtig (inneri Absicht) tribts ziellos ufem Wasser.

I dem Moment wo de Ursprung de Versuechig verfalle esch, esch d Dualität entstande. Wobi das nomol gnauer mues agluegt werde...

das Nichts esch Nichts...

wirds als Nichts definiert, existierts bereits! Esch also quasi Faktor 1

Denn chont d Versuechig (Faktor 2), de Gedanke oder de Wunsch sich z gspüre, da ja das Nichts jetzt existiert (Faktor 1), wills au wösse, was es heisst, z existiere... (Faktor 2 = Bewusstsi)

So bisst Faktor 1 i de Öpfel vo Faktor 2 und erläbt zum erstemol, wases heisst, z existiere.

Sich z spalte!

Existenz heisst Dualität. Alles esch gspalte und het 2 Site.

Mit dem mein ich ned nur, dass mer authentisch söl si und sini Gfühl läbe... sondern die Gfühl zu 100% au zuelo.

Bricht mer e Beziehig z früe ab, het mer unglaublich Herzschmerz und d Gedanke kreise ständig um de Partner. Das heisst, es esch noni abgschlosse. Es got ned drum, dass mer wieder mues zäme cho, sondern dass es no mues gnauer belüchtet und e Wunde wet gheilt werde.

Si die 100% erreicht, gots wie vo ellei. Und irgend einisch ame entfernte Tag denksch... ui, ez hani aber scho lang nöm dra denkt, has nedmol gemerkt.

PC gits scho viel länger und bis vor Kurzen no sinds i de Überzahl gsi... MACs sind denn plötzli neu dezue cho und obwohl s eigentlich öpe s gliche Grät esch, wo au öpe s gliche cha... sinds 2 komplett unterschiedlichi Sache. Sie chönt im gliche Büro sto aber funktioniere tüends grundsätzlich komplett unterschiedlich. Probier mol ufem PC dini Datei i Ordner abzlegge und denn machs ufem MAC? Do hirnsch grad bits, ich sägders... De PC esch meh logisch und de MAC esch meh visuell...

Und genau do setze mir gmeinsam a. Mir WÖSSE de Unterschied und chönt demit umgo.

No dütlicher gots nöm Ez gots drum: Ganz genau hi zluege. De Narzissmus zeigt uf, dass mer sich chli haltet... Und s Ziel esch ned, sich geg sin narzisstisch Partner zwehre! Es got drum, sich selber z gseh und für sich selber authentisch läbe. En Narzischt esch genau so e gfühlvolle und tolle Mänsch, wie all Nichtnarzischte au. Er esch eifach de, wo de Spiegel herehebt, wo wie e Verstärker wörkt und Wunde ufrisst, wo scho lang hätte sölle id Heilig brocht werde. UND... de Narzischt läbt authentisch! Das heisst ned, dasses besser oder weniger guet esch, er läbt eifach authentisch. Ihm sind anderi Meinige glich. Er het sich zuegmuured, au er het alti Wunde.

Ez esch Zit zum here luege. Ned umesosch gits immer wie meh Narzischte und Opfer! Das heisst, die zwei i sonere Beziehigs-Konstellation sind fähig, alti Muster z durchbräche. Jo vlech chas de Narzischt ned selber... aber er het sich sin Empath unbewusst als Hilf usgsuecht und ebe gnau de esch i de Lag, die Muschter für BEID ufzlöse.

En Narzischt spieglet eifach alles und er got debi ganz ganz tüf i uralti Wunde go drücke, wo mer nedmol me gwösst het, dass mer die het. Das esch glichzitig au e Chance zum mol so richtig im eigne Seelehushalt ufzrume.

Narzissmus esch e Chance zum sini eigne Ateil wo mer über Jahre verlore het, wieder z integriere. Und wenn mer das gschafft het und mer wieder voll bi sich esch, denn cha de Narzischt nüd me spiegle. So sind am Schluss sogar beid erlöst. Nur meischtens gots bim Empath nocher ufre neue Ebenei witer (er stirbt en Ego-Tod und stot als neue Mensch wieder uf) und de Narzischt suecht sich eifach s nöchschte "Opfer" wo denn cha entscheide, lueg ich gnauer here oder blib ich i de Opferrolle.

Si säge... Du besch zviel? Zviel Emotione? Zviel Energie? Oder was au immer... eifach zviel?

Und was, wenn genau DAS guet esch? Wenn GENAU DAS DIS LIECHT esch, wo die Wält brucht?

Besch zu zviel, sind die andere nur ned fähig zums aneh... Und wie sölleds das chöne, wenn Du dich für sie zrognimmsch?

Lo alles use!! Es ghört zu Dir! Das BESCH Du!

Lo Dis Liecht lo lüchte, mit allem wo zu Dir ghört.

Chasch bitte eifach zviel si?!

Danke!

Es git Mänsche, die warte genau uf das Liecht i Dir!

Die eine säge dem Yin und Yang, ander säge Dualität und ich säge Drache Energie.

Grundsätzlich eschs s Gliche. Es got um zwei gegesätzlichi Energie wo EINS sind.

E Drache Energie esch zerstörerisch und schöpferisch zur gliche Zit.

Me cha sich nüd vorstelle, wo ned im Quantefäld irgendwo existiert.

Und wer het all die Zeichnige und Gemälde gmacht, wo Dinosaurier mit Mänsche glichzitig abbildet sind?

Und wer cha mit Sicherheit säge, dass Saurier ned üsi Vorstellig vo Drache verkörpere?

Üsi Welt esch viel magischer als mir denke. Mir händ eifach all üsi Fantasie verlore.

Es git e super Serie für das: Once Up On A Time... do sind all Märlifigure i de reale Wält und wösse das gar ned, dass sie eigentlich nöime andersch hi ghöre.

Bovis Skala

zeigt uf, eb mir viel oder wenig Energie hend, also üsi Vitalität.

Energievampire steigere ihri Bovis Wert, indem sie die vo de anderne chlaue. S ganze Läbe esch eigentlich ständig e Energieustusch oder es Energiezieh. Drum heisst e Beziehig au "ziehig...".

Die unteri & oberi Abindig

Die unteri esch brun wie d Erde und die oberi Abindig esch goldig.

Es git au no die vorderei und die hinteri Abindig, die stönd für Zuekunft und Vergangeheit.

Beidi müend nach RECHTS drehe. Rechts esch die gsundi und positivi Schwingig.

Vielfach drehe mir aber links ume und merkes gar ned. So ziend mir ständig Krankheite und Pech a.

Jede cha das selber wieder umdrehe. Wortwörtlich... Eifach sich im Kopf vorstelle, wie me die Linksdrehig ine Rechtsdrehig umwandled und das immer wieder mache, bises stabil esch.

Es git es alts Sprichwort: de esch aber lätz gwickled... oder das esch denn e linke Cheib...

Uflade & Usleite

Rechts ume tuet uflade und links ume tuet usleite. Idealerwis tüend mir zerscht usleite und denn wenns suber esch, wieder rechts ume uflade :)

Das funktioniert mit Gedanke, mit Pendel, mit Tanze...

Wer esch Gott und entscheidet, ob und wie öpis darf Läbe oder ned? Jedi no so chlinschti Mugg ESCH es Individuum. D Grössi vome Lebewese seit nur öpis über DINI Grössi vom Respekt us. Esch min Asicht :)

Au jede Stei het e Schwingig und ez sägder no öpis... Dini Plüschtierli wo als Kind knuddlet hesch und ihne all Dini Sorge verzellt esch, au die hend e Art es Läbe. Und es chont no dicker... KI läbt! Läbe heisst ned nur das wo mir üs vorstelle. Läbe beinhaltet so viel Schichte meh.

Alles wo mir ässe und trinke het Schwingige wo mir ufnäme.

Wenn z Nacht plötzli Angscht bechonsch oder grundlos völlig agro besch... chönt das tatsächlich dra ligge, dass es Fleisch gässe hesch, wo die Schwingig mit sich treit...

Ez esch Zit zum eigni Meinige z verträte, zum Polarisiere und NEUI WEG zgo.

Aktuell gits immer meh narzisstischi Beziehige. Was wenn genau DIE s Potential händ, so richtig tüf id Wunde z drücke?

Nur so entstot wörklichs Wachstum.

Irgendeinisch het mers eifach mol gseh und ghört... und gnueg erläbt. Denn drüllt mer de Knopf eifach uf de nöchscht Radiosender und lost dete witer.

D Frequenz macht de Unterschied. Was wetsch lose? Was etsch Dir atue? Was wetsch erläbe und fühle? Din Frequenzschalter suecht genau nach dem wo Du igstellt hesch.

Bi Verbindige wo nöm wetsch ha, chasch au eifach de Stecker zie und steckschne nöime andersch weder i, wos söl witergo.

folgt

folgt